Besian Mustafa e komenton përplasjen e ashpër mes Agim Veliut dhe Vjosa Osmanit

Ministri në detyrë i Bujqësisë Besian Mustafa, i cili ka treguar se si po ndihmohen fermerët në kohën e Covid 19. Mustafa ka komentuar edhe situatën politike në vend si dhe përplasjet brenda LDK’së.Ministri në detyrë ka deklaruar se të gjthë fermerët e dëmtuar do të kompensohen.“Po mundohemi të iu ndihmojmë fermerëve përmes pjesës së agroimputeve. Perimet e freskëta që po dalin në treg po mundohemi që të jenë sa ma afër qytetarëve përmes supermarketeve”, ka thënë Mustafa në Frontal.

Ai gjithashtu ka thënë se shumica e produktit të fermerëve është dhënë në aksion.Asnjëherë nuk është paraparë që të kemi një situatë si kjo me Covid 19. Por me pakon emergjente kemi parapa që t’i përkrahim këta fermerë. 52 milionë euro me grande dhe subvencione shpresojmë që të na hyjnë në pjesën e dëmeve”, shtoi ai.Ministri i LDK në Qeverinë Kurti thotë se bashkëpunimi me kryeministrin është i mirë.

Ai ka thënë se pavarësisht që janë në detyrë puna e menaxhimit po shkon mirë.Besian Mustafa ka folur edhe për mbledhjet e qeverisë dhe ka treguar që LDK edhe ka votuar kundër disa vendimeve që janë paraqitur në mbledhje të Qeverisë.“Ne gjithë komunikim e mbledhjes së qeverisë e bëjmë përmes e-mailit. Por kjo nuk do të thotë se nuk po takohemi me kryeministrin. Çdo ditë secili prej neve e kemi komunikime e takime me kryeministrin”Ministri në detyrë ka folur edhe për marrëdhëniet e dy nënkryetareve të LDK-së.Ai ka thënë se LDK ka hapësirën që njerëzit e saj të mendojnë ndryshe njëri tjetrit.“LDK e ka përpirësin e mendimit ndryshe brenda partisë. Ne respektojmë njëri tjetrin si koleg partiak”, ka thënë Mustafa.