OPINION: Shkoni n’shpi, se pa juve ky shtet funksionon më mirë

Shkruan: Behram Behluli

Këto ditë po i kalojmë në përballje të vazhdueshme me pandeminë, përballje e cila donë angazhim të madh, ata të cilët janë në ballafaqim të drejtpërdrejt e kuptojnë se si është kur nuk të kujtohet se në cilën ditë të javës je!

Shkon e shtrihesh, zgjohesh pas dy orëve, të pret puna e cila del pa pritur, por, të gjitha këto vjen një moment i harron për disa minuta, kur nga INSTITUTI vjen lajmi i mirë, LIROHEN PER NË SHTËPI KAQ PERSONA, ME SHËNDET TË MIRË!

Prapë fillon beteja, mbërrijnë  grupet të cilat duhet te pranohen në karantinë, të gjithë me kërkesa e nevoja, me shpresë  se të gjithëve pas 15 ditësh do të ju ipet lajmi i mirë, JENI MIRË ME SHËNDET , MUND TË SHKONI!

Në ketë luftë ka probleme, vështirësi, në të githë pa dallim e pa grada në këtë kohë jemi në shërbim të atdheut, secili në mënyrën e vet jep kontributin për këtë, ju lumtë qytetareve tanë për punën dhe disiplinën.

Por, në këtë kohë Kosova ka edhe një problem, politikanët, ngucakeq,inatgji, injorantë e demagog, si duket për ta pandemia është problem i dorës së dytë, puna e tyre në këtë betejë është turri për tu treguar para medieve, me tregu se sa punë u bë, ta përvetësojnë sakrificën e atyre që janë në vijën e parë e nuk i sheh kush, sepse ata që punojnë nuk e kanë mundësinë e as kohën për tu paraqitur si maneken para kamerave.

E tërë kjo lufte tani po më kujton Luftën e Ushtrisë Çlirimtare, kur në në vijën e parë të frontit, pa armatimin e duhur pa municion, në luftë me armikun superior, kruese udhëheqësit e atëhershëm politikë e ushtarak në luftë politike për primat.

Kjo edhe sot po ndodhë, në vend se tu themi qytetareve tanë  RRINI NË SHPI është mirë tu themi politikanëve tanë  SHKONI N’SHPI, SE PA JUVE KY SHTET FUNKSIONON MË MIRË!