PDK në Podujevë: I përkrahim të gjitha nismat e Kuvendit Komunal që kanë të bëjnë me ofrimin e ndihmave për qytetarët

Pas situatës në të cilën ndodhemi, ku vendi po përballet me pandeminë globale Ciovid-19, komuna e Podujevës, ka vendosur që në mbledhjen e  jashtëzakonshme të Kuvendit Komunal, të ndaj për familjet në nevojë 125 mijë euro. Kjo shifër rrumbullakson kështu shumën prej 362,000 euro që është ndarë për menaxhimin e kësaj situate.

Me anë të këtyre mjeteve financiare, familjeve në nevojë do tu ofrohet mbështetje me pako ushqimore dhe higjenike.

Po ashtu në këtë mbledhje, sic bëhet e ditur nga kjo komunë janë marrë disa vendime të tjera, si për lirimin nga taksa komunale për të gjitha subjektet afariste si dhe vendimin për lirim  nga pagesa e qirasë për të gjithë shfrytëzuesit e pronës komunale për vitin 2020.

E për këtë ka reaguar edhe shefi i grupit të asambleistëve të PDK-së në Podujevë Fatmir Rudari i cili në seancën e djeshme ka thënë se “Ne, si grup i këshilltarëve të PDK-së, përkrahim të gjitha nismat e kuvendit komunal që kanë të bëjnë me ofrimin e ndihmave për qytetarët tanë, të cilët kanë nevojë për përkrahje në këtë gjendje”.

Ky është postimi i tij:

Me 02/04/2020, sipas nevojës së paraqitur nga përhapja e pandemisë me virusin korona COVID-19, u mbajtë seancë e jashtëzakonshme e Kuvendit Komunal të Podujevës, ku në rend dite ishte: “Masat për parandalimin e Corona Virusit Covid 19 në Komunën tonë”.

Ne, si grup i këshilltarëve të PDK-së, përkrahëm të gjitha nismat e kuvendit komunal që kanë të bëjnë me ofrimin e ndihmave për qytetarët tanë, të cilët kanë nevojë për përkrahje në këtë gjendje.

Duke i dhënë mbështetje nismës së kuvendit komunal për ndarjen e shumës prej 125,000.00 Euro, njëzëri kërkuam që kjo shumë të rritet duke e konsideruar të pamjaftueshme, me qëllim që të ju ofrohen ndihma sado pak të gjithë qytetarëve të cilët kanë nevojë.

Po ashtu gjatë kësaj seance, si grup i këshiltarëve të PDK-së, shprehëm gatishmërinë për përkrahje të plotë të të gjitha nismave që kanë të bëjnë me ndihmën e qytetarëve tanë, gjatë kësaj kohe të pandemisë Covid-19.

https://www.facebook.com/photo.php?fbid=10222721243358390&set=a.10202847159718720&type=3&theater