Lajmërohet Isa Mustafa: Vetëvendosje po i kap kompanitë publike, LDK nuk votoi emërimin e bordeve

Kapja e Bordeve të Institucioneve Publike po vazhdon akoma nga partitë politike me militantët e tyre partiak, kështu po e bën edhe lideri i Vetëvendosje e kryeministri në detyrë, Albin Kurti, shkruan Gazeta Metro.

E ndaj kësaj ka reaguar i pari Lidhjes Demokratike të Kosovës, Isa Mustafa, duke thënë se Vetëvendosje po i kap kompanitë e Bordeve Publike dhe se politizimi i bordeve nga Vetëvendosje në këtë formë, është korrupsion partiak.

Mustafa tha se ministrat e LDK’së nuk kanë marrë pjesë në votimin për zgjedhjen e bordeve të përkohshme të tri ndërmarrjeve publike.

Sipas Mustafës, caktimi i militantëve partiak në borde nuk arsyetohet me përkohshmëri, e thotë se kjo po bëhet për interesa personale të LVV’së.

“Caktimi i militantëve partiak në borde nuk arsyetohet me përkohshmëri. Nuk arsyetohet as me nevojën që këtë ta bëjë një qeveri që është në ikje. Është militantizëm partiak dhe tendencë për të kapur kompanitë publike për interesa të VV-së. Është shkelje e deklarimeve të tyre publike për depolitizim të bordeve. Politizimi i tyre në këtë formë është korrupsion partiak”, ka thënë Mustafa për Express.

Emërimin e këtyre bordeve e kanë dënuar edhe shoqëria civile, e cila ka deklaruar se kapja e shtetit po vazhdon edhe nga Lëvizja Vetëvendosje.//gazetametro.net