Fetahu: I ftojë qytetarët për qetësi dhe të mos bien pre e provokimeve të ndryshme qoftë në rrjete sociale apo në jetën e përditshme

Kandidati i Partisë Demokratike të Kosovës për kryetar të Podujevës, Naim Fetahu ka shkruar në profilin e tij në facebook se, Është hera e tretë brenda pak ditëve që bëhet thirrje për gjakderdhje dhe vëlla-vrasje në Kosovë. Pas deklaratave në Kuvend dhe thirrjeve nga Tirana, sot edhe Agim Bahtiri pati diçka për të thënë. Është mëkat i madh që një parti, aq më tepër një kryetar komune, të thërrasin për gjakderdhje në Kosovë ku plagët e luftës në shumicën e familjeve kosovare janë të freskëta., transmeton portali PodujevaPRESS.com

Fetahu ka shkruar po ashtu se “shqiptarët e Kosovës nuk kanë “plumba” për shqiptarët. Fatmirësisht, ata që mendojnë si këta individë që e kanë humbur orientimin janë të pakët. Populli ynë ka dëshmuar ndër vite një kulturë të lartë dhe dashuri të madhe ndërmjet vete. Unë ftoj qytetarët për qetësi dhe të mos bien pre e provokimeve të ndryshme qoftë në rrjete sociale apo në jetën e përditshme”

Ky është postimi i tij:

Është hera e tretë brenda pak ditëve që bëhet thirrje për gjakderdhje dhe vëlla-vrasje në Kosovë.

Pas deklaratave në Kuvend dhe thirrjeve nga Tirana, sot edhe Agim Bahtiri pati diçka për të thënë.

Është mëkat i madh që një parti, aq më tepër një kryetar komune, të thërrasin për gjakderdhje në Kosovë ku plagët e luftës në shumicën e familjeve kosovare janë të freskëta.

Vetëm gjatë muajit mars ne kishim me dhjetëra përvjetorë të masakrave e vrasjeve nga regjimi kriminal i Millosheviqit.

Por, këta persona, këtej dhe andej kufirit, po harrojnë një gjë.

Që shqiptarët e Kosovës asnjëherë nuk do të mund t’i shtyjnë në vëlla-vrasje.

Shqiptarët e Kosovës nuk kanë “plumba” për shqiptarët.

Fatmirësisht, ata që mendojnë si këta individë që e kanë humbur orientimin janë të pakët.

Populli ynë ka dëshmuar ndër vite një kulturë të lartë dhe dashuri të madhe ndërmjet vete.

Unë ftoj qytetarët për qetësi dhe të mos bien pre e provokimeve të ndryshme qoftë në rrjete sociale apo në jetën e përditshme.

Përzemërsisht

Naim Fetahu