Kultivimi i brokolit në Lupç të Podujevës |VIDEO

Brokoli është një nga perimet e gjelbra më të shëndetshme, e cila është mjaft e pasur me vlera ushqyese e më shumë vitaminë C, të domosdoshme për konsumim në këtë kohë.

Ky është fermeri Gëzim Demaçi, nga Lupçi i Poshtëm të Podujevës. Demaçi ka serra në hapësirë prej 6 hektarësh.

2 vjet më parë ai është ndihmuar edhe nga Ministria e Bujqësisë me grante, e që tashmë ka edhe pajisjet të cilat i kanë përgjysmuar kohën e punës për mbjelljen e farave të bronkolit si dhe rritjen e tyre, raporton SOT.

Ai, qe një kohë të gjatë, bashkë me familjen e tij e punojnë tokën, e edhe ekonomia familjare e tyre varet nga kjo punë.

Demaçi thotë se pandemia e cila ka prekur edhe Kosovën ka ndikuar në punën e tij, duke ia pakësuar tregun. Megjithatë, kjo nuk e ka demotivuar atë që të vazhdojë përditshmërinë e tij sikur edhe më herët.

Demaçi thotë se në Kosovë është rritur mjaft shumë vetëdija për vlerat ushqyese që përmban brokoli, e që tani po kërkohet në masë të madhe.

E që dikur ishte blerë vetëm nga restorantet.

Demaçi, përveç brokolit, në serrat e tij mbjell edhe perime të tjera e që së shpejti ato do të jenë të gatshme për treg.