Llapjanët nuk pyesin për rrezikun nga koronavirusi, veç dje kanë hapur 3 lokale

Disa nga pronarët e lokaleve në mbarë vendin, nuk po e përfillin vendimin e Qeverisë për të qëndruar në shtëpi dhe për t’i mbyllur përkohësisht lokalet e tyre. Ata po u shërbejnë klientëve, madje po lejojnë që klientët të qëndrojnë brenda lokaleve, duke krijuar kështu edhe tollovi. Mbyllja e lokaleve ka qenë një ndër masat që Qeveria ka ndërmarrë për t’u mbrojtur nga përhapja e virusit Covid-19, i cili deri më tani në Kosovë ka prekur 61 persona dhe ka marrë jetën e njërit prej tyre.

Vetëm në 24 orët e fundit, Policia e Kosovës ka evidentuar disa raste për “mosveprim sipas dispozitave shëndetësore gjatë epidemisë” në të gjithë vendin, ose pronarë biznesesh të cilët nuk e kanë respektuar urdhrin e Qeverisë për mbylljen të lokaleve, sipas vendimit të Qeverisë.

Qeveria ka marrë vendimin për mbylljen e përkohshme të të gjitha lokaleve dhe vendeve ku ka frekuentim të madh nga qytetarët, mirëpo jo të gjithë po i respektojnë vendimet e shtetit.

Në të gjitha këto raste ka pasur edhe të arrestuar, ku disa prej tyre janë dërguar në mbajtje.

Mediat kanë raportuar edhe të hënën për arrestimin e personave të cilët kanë hapur lokalet e tyre.

Vetëm përgjatë ditës së diel, 15 persona kanë hapur lokalet, në kundërshtim me vendimin e Qeverisë.

Ndërkohë, për hapjen e lokaleve, për 5 ditë në Kosovë janë arrestuar mbi 30 persona.

Më poshtë mund të shihni listen në qytetetin e Podujevës ku janë hapur lokalet në 24 orët e fundit, të nxjerra nga raporti 24 orësh i Policisë së Kosovës:

2. Rr. Skënderbeu, Podujevë 23.03.2020 – 16:30. Është raportuar se i dyshuari mashkull kosovar ,është hasur duke punuar në lokalin e tij, duke mos respektuar vendimet e marra. Me vendim të prokurorit, rasti mbetet në procedurë të rregullt.
3. Rr. Skënderbeu, Podujevë 23.03.2020 – 16:30. Është raportuar se i dyshuari mashkull kosovar është hasur duke punuar në lokalin e tij, duke mos respektuar vendimet e marra. Me vendim të prokurorit rasti mbetet në procedurë të rregullt.

4.Rr. Zahir Pajaziti, Podujevë 23.03.2020 – 18:00. Është raportuar se i dyshuari mashkull  kosovar, është hasur duke punuar në lokalin e tij, duke mos respektuar vendimet e marra lidhur me pandeminë. Me vendim të prokurorit rasti mbetet në procedurë të rregullt.