Pas 13 votave të AAK-së, LDK-së i duhen edhe 20 deputetë për ta rrëzuar Qeverinë Kurti

Kreu i AAK-së, Ramush Haradinaj pas takimit me kreun e LDK-së, Isa Mustafa, ka thënë se partia e tij mbështetë rrëzimin e qeverisë Kurti.

Haradinaj tha se duhet të krijohet një qeveri e re në Kuvend për tejkalimin  e gjendjes aktuale, por siç tha edhe për të gjitha temat që e presin vendin, shkruan Reporteri.net

“Ne e përkrahim mocionin. Situata nuk është e lehtë, prandaj mbajtja pezull e kësaj gjendje nuk është në doBi, është mirë të ndërmerren të gjitha masat”, tha ai.

Mirëpo, nëse LDK i ka të gjithë deputetët unik dhe bashkohen në votim edhe 13 deputetë të AAK-së, atëherë janë vetëm 41 vota. Ato nuk mjaftojnë për rrëzimin e Qeverisë, mirëpo janë të mjaftueshme për të thirrur seancën, pasi nevojiten të paktën 40 nënshkrime.

Partitë e tjera nuk janë deklaruar akoma lidhur me votimin e tyre ose jo për rrëzim të Qeverisë, mirëpo me votat e tjera të opozitës, do të bëheshin mjaft numra për kalim të mocionit. 24 deputetë ka partia më e madhe opozitare, PDK, 4 Nisma dhe 2 AKR. Në total, nëse merr përkrahje nga e gjithë opozita dhe deputetët e saj i ka unikë, mocioni do të votohej me 71 vota.

Sidoqoftë, sic nuk dihet nëse i ka të gjitha votat e opozitës, Mustafa nuk e di nëse i ka edhe brenda partisë. Mediat kanë raportuar se disa deputetë të LDK-së janë kundër rrëzimit të Qeverisë. Vjosa Osmani, që tashmë dihet publikisht se është kundër pas votimit të djeshëm në Kryesi, dhe dy ose tre të tjerë.

Ndryshe, vlen të theksohet se për të kaluar mocioni i mosbesimit ndaj Qeverisë duhen, të paktën, 61 vota. Në rast të dështimit, Kushtetuta thotë se nuk mund të thirret mocion tjetër pa kaluar të paktën 90 ditë./Reporteri.net