Arrestohet pronari i një hoteli në Podujevë: U shërbeu klientëve, duke mos respektuar vendimin

Policia ka arrestuar në Podujevë një person, pronar të një hoteli, i cili i kishte shërbyer klientëve, veprim ky i cili është ndaluar me ligj tani për tani nga Qeveria e Kosovës, për shkak të situatës së krijuar nga koronavirus, shkruan Gazeta Metro.

Ditën e diel, Policia e Kosovës ka arrestuar të dyshuarin mashkull kosovar, pronar i një hoteli, pasi që i njëjti u ka shërbyer klientëve.

Me vendim të prokurorit, pas intervistimit i dyshuari është liruar në procedurë të rregullt.

Raporti i plotë i Policisë së Kosovës:

Podujevë 15.03.2020 – 23:30. Është arrestuar i dyshuari mashkull kosovar, pronar i një hoteli, pasi që i njëjti u ka shërbyer klientëve. Me vendim të prokurorit, pas intervistimit i dyshuari është liruar në procedurë të rregullt.