PDK tërheq shortin për zgjedhjet në Podujevë, numri 10 për Naim Fetahun

Kandidati i Partisë Demokratike të Kosovës për kryetar të Podujevës, Naim Fetahu, mban numrin dhjetë në listën zgjedhore.

Kjo pas tërheqjes sot të shortit të partive politike për zgjedhjet e jashtëzakonshme në Podujevë që do të mbahen më 15  mars.

Tërheqjen e shortit për PDK-në e bëri deputetja e kësaj partie, Floretë Zejnullahu.

Lidhur me këtë Naim Fetahu ka bërë një postim në rrjetin social, facebook, ku e ka cilësuar 10-shin numër të fitores për PDK-në.

“Çfarë lajmi i mirë tërheqja e numrit 10 nga deputetja Floretë Zejnullahu. Numër i fitores së PDK-së në zgjedhjet për Podujevën me 15 mars”, ka shkruar Fetahu në facebook.