Fetahu denoncon ndotjen e lumenjëve, premton mirëmbajtje dhe shndërrimin e tyre në qendra rekreacioni
Naim Fetahu, kandidati i Partisë Demokratike të Kosovës për kryetar të Podujevës, ka shprehur shqetësimin e tij në lidhje me ndotjen e lumenjve.
Gjatë vizitës në liqenin e Batllavës, ku u takua edhe me disa peshkatarë të zonës, Fetahu premtoi se do të angazhohet për sanimin e gjendjes në lumenj për t’i shndërruar ata në qendra të rekreacionit dhe të sportit.
“Mirsim Topanica, peshkatar shumëvjeçar në Llap, është tejet i shqetësuar me gjendjen e lumenjëve dhe liqenit të Batllavës. Lumi Llap dhe lumi Dumnica janë shëndrruar në moçale ku derdhen ujërat e zeza kurse liqeni i Batllavës po shkon drejt shkatërrimit” ka shkruar Fetahu në facebook.
Statusi i plotë i Fetahut:
Mirsim Topanica, peshkatar shumëvjeçar në Llap, është tejet i shqetësuar me gjendjen e lumenjve dhe liqenit të Batllavës. Lumi Llap dhe lumi Dumnica janë shëndrruar në moçale ku derdhen ujërat e zeza kurse liqeni i Batllavës po shkon drejt shkatërrimit. Si kryetar, do të kujdesem për mirëmbajtjen e lumenjve dhe liqenit tonë. Ato do të bëhen qendra të rekreacionit dhe sportit ku qytetarët do të mund të kalojnë vikendin dhe kohën e tyre të lirë.
