I bie dërrasa në kokë nga era e fortë në Podujevë, aksidentohet edhe rrugës për në QKUK

Erërat e forta janë rikthyer në vendin tonë, derisa në disa rajone tashmë kanë nisur edhe dëmet e para.

Si pasojë e këtyre erërave një vajzë është lënduar në Podujevë, së cilës i ka rënë një dërrasë në kokë, ndërsa nga plagët e marra familjarët e kanë nisur atë për trajtim drejt Prishtinës në QKUK.

Por, Indeksonline mëson se vetura në të cilën gjendej vajza, ka pësuar aksident gjatë rrugës, ndërsa nuk dihet ende se cila është gjendja e saj shëndetësore dhe e të tjerëve që u përfshin në aksident.

Kujtojmë se një numër i madh i qytetarëve kanë mbetur pa energji elektrike në vendin tonë, ndërsa Rajoni i Dukagjinit, është më i prekuri.