Naim Fetahu: Bulliqi dhe Rudari kanë qeverisur me LDK-në dhe vijnë nga ajo parti, të dy janë përgjegjës për keqqeverisjen në Podujevë

Kandidati i PDK-së, Naim Fetahu thotë se vetëm ai është kandidatë që mund të bëjë ndryshimin. Kët ai e tha në “Debat Plus” me Ermal Pandurin në RTV Dukagjini është mbajtur debati i parë me tre kandidatët në garë për kryetar të Podujevës.

“Të dy kandidatët tjerë kanë qeverisur me LDK-në dhe vijnë nga ajo parti. Të dy janë përgjegjës për atë periudhë kohore për gjërat e këqija që kanë ndodhur. Nuk do të thotë se zoti Bulliqi ka kaluar në një parti tjetër nuk mban përgjegjësi për atë periudhë të qeverisjes”.

Duke komentuar akuzat e LDK-së ndaj Bulliqit për uzurpim tokash, Fetahu thotë se është i prirur t’iu besoj dokumenteve zyrtare por sipas tij këto dokumente është dashur të publikohen më herët.

Kandidati i PDK-së thotë se rivaliteti LVV-LDK në qeveri po vërehen edhe në nivelin lokal në Podujevë e që sipas tij nuk do të duhej të ndodhte.

“Bulliqi po ka frikë të përmend emrin e Agim Veliut sepse kjo reflekton në nivelin qendrorë”, tha ndër të tjera Naim Fetahu