Shërbimi Korrektues i Kosovës jep detaje se çfarë ndodhi mbrëmë në burgun e Podujevës

Shërbimi Korrektues i Kosovës njofton opinionin publik se mbrëmë rreth orës 21:35 në Burgun e Sigurisë së Lartë, zyrtari korrektues R.J me detyrë në Portën 0 është ndalur nga zyrtarët tjerë me detyrë në të njëjtin vend, të cilit i kanë gjetur substancë të dyshuar narkotike.

1. J, i është bërë kontrolli trupor, ku në xhep i janë gjetur edhe një paketim me 32 letra për mbështjellje të marihuanes.

Lidhur me  rastin menjëherë janë njoftuar prokuroria dhe  policia, të cilët kanë dalë në vendin e ngjarjes, fillimisht Policia e Stacionit të Podujevës, e po ashtu edhe zyrtarë policor të Njësitit Antidrogë nga Regjioni i Prishtinës.

Me urdhër të prokurorit, R.J është arrestuar dhe është dërguar në stacion për intervistim.

Ndaj të njëjtit, SHKK  ka iniciuar procedurat  për pezullim nga vendi i  punës.

​Shërbimi Korrektues i Kosovës është i fokusuar në luftimin e dukurive negative, ku hyjnë luftimi i kontrabandës dhe substancave narkotike, keqpërdorimi i pozitës zyrtare dhe korrupsioni.