Haradinajt ia rriti pagën vetes, ministrave e shoferëve: Albin Kurti ia shfuqizon këtë vendimin

Kryeministri i ri i Kosovës, Albin Kurti ka shfuqizuar vendimin e qeverisë së kaluar të Ramush Haradinajt, ku parashihet rritjen e pagave për vete, shkruan Gazeta Metro.

Të mërkurën, në mbledhjen e 12 shkurtit të cilën do ta mban qeveria Kurti, si pikë e rendit të ditës pritet të jetë edhe ky shfuqizim i këtij vendimi nga qeveria e kaluar e Haradinajt.

Kryeministri Kurti ka vendosur që këtë vendim kontrovers që kishte marrë Ramush Haradinaj t’ia shfuqizon dhe ta rishikon Ligjin për Paga, ku parashihte vetëm rritjen e pagës së Haradinajt, ministrave, këshilltarëve, asistenteve e shoferëve.

Kujtojmë se në vendimin e 20 dhjetorit 2017, Qeveria Haradinaj kishte vendosur për rritje të pagave për 100 për qind. Kryeministrit Haradinaj nga 1500 euro paga i ishte bërë 2950 euro.