Dështoi të bëhet deputet, por Kurti e bën zv.ministër të Bujqësisë

Kryeministri i Republikës së Kosovës, Albin Kurti, ka emëruar sot Imri Demelezi, Zëvendësministër në Ministrinë e Bujqësisë, Pylltarisë dhe Zhvillimit Rural.

Këtë e ka konfirmuar Zyra për Komunikim e Kryeministrit.

Demelezi është nga radhët e Lëvizjes Vetëvendosje dhe ishte kandidat për deputet në zgjedhjet e fundit, shkruan Reporteri.net.

Ai kishte marrë veç 3225 vota të pamjaftueshme për ta zë një ulëse në Kuvendin e Kosovës.

Gjatë ditës së sotshme, kryeministri Kurti emëroi Taulant Kryeziun si zëvendësministër në Ministrinë e Integrimeve Evropiane.