Kurti për herë të parë foto në zyrë me një ambasador amerikan, tani aty e ka flamurin e Kosovës

Albin Kurti me të pranuar detyrën si kryeministër i Kosovës, është vizituar në zyrë nga ambasadori amerikan në Kosovë, Philip Kosnett. Për dallim nga herat tjera, kur Kurti vizitohej nga zyrtarët amerikanë në partinë e tij, sot janë publikuar foto dhe video nga takimi zyrë.

Amerikanët sa herë kishin vizituar Kurtin, nuk kishin pranuar të publikoheshin foto nga takimet, pasi Kurti nuk pranonte që në zyrën e tij të vendosej flamuri i shtetit të Kosovës, e të largohej ai i Shqipërisë, shkruan Reporteri.net.

Nëse shikohen me vëmendje vizitat e fundit kur diplomatët amerikanë i bënin Kurtit në zyrën e tij në parti, si Kosnett, e poashtu edhe ambasadori Grenell, fotot dhe videot lejoheshin të bëheshin vetëm te hyrja e objektit të zyrës së liderit të Vetëvendosjes.

Por nga sot ka ndryshuar gjithëçka. Kurti edhe siç kishte premtuar, në zyrën e kryeministrit kishte thënë se do ta ketë flamurin e Kosovës. Ashtu edhe ndodhi, aty kur u vizitua nga ambasadori amerikan Kosnett, ishin prezent dy flamuj, ai i Kosovës dhe i SHBA’së, por jo edhe flamuri i shtetit të Shqipërisë.

Kurti për një kohë të gjatë kishte refuzuar ta pranojë shtetin e Kosovës, pasi ai thoshte që Kosova duhet të bashkohet me Shqipërinë, dhe kështu siç ishte shpallur shtet në vitin 2008, ishte një shtet i cunguar.

Kryeministri i ri i Kosovës, kur ishte në opozitë, sidomos deri para disa viteve, flamurin e Kosovës, e quante flamur lara-lara. /reporteri.net