Hyseni: Qëllimi i VV-së janë zgjedhjet e reja, Kurti po sillet si i dërguar nga Zoti

Skënder Hyseni nga Lidhja Demokratike e Kosovës ka konfirmuar se Lidhja Demokratike e Kosovës nuk ka qenë e informuar për kërkesën e Vetëvendosjes për caktimin e datës për seancën për votimin e Qeverisë.

Hyseni ka thënë se me këtë veprim të VV-së, koalicioni me LDK-në është pothuajse i pamundur, shkruan Reporteri.net.

Ndër të tjera ai ka lënë të nënkuptohet se Vetëvendosje me qëllim nuk po dëshiron të marrë drejtimin e Qeverisë.

“VV po don me i shterë afatet kushtetuese, me qëllim që të gjenerohet një situatë që kërkon zgjedhje të reja të parakohshme. Këtë e kam bindje. Ajo me këto veprime është nisë në atë rrugë”, ka thënë Hyseni ndër të tjera.

Ai është shprehur se Kurti po sillet si të jetë “i dërguar nga Zoti”.