Haki Abazi mesazh të qartë LDK’së: Glauk Konjufca nuk shkarkohet

Deputeti i Lëvizjes Vetëvendosje dhe i nominuari për zëvendës kryeministër në qeverinë Kurti, Haki Abazi, ka deklaruar se Glauk Konjufca nuk shkarkohet nga pozita e Kryeparlamentarit, shkruan Gazeta Metro.

Abazi ka shuar shpresat Lidhjes Demokratike, se kjo parti mund ta merr postin e kryetarit të Kuvendit, ashtu siç është raportuar.

Ai ka thënë se nuk mund të kthehen para datës 26 dhjetor, atëherë kur Glauk Konjufca, u zgjodh kryetar i Kuvendit.

“Ne nuk mund të kthehemi në asnjë mënyrë para 26 dhjetorit, sepse tani jemi në janar të 2020-ës. Arsyeja pse është zgjedhur Glauk Konjufca, kryetar i Kuvendit, është fakti që Lëvizja Vetëvendosje, nuk ka dashur vakum institucional dhe Lidhja Demokratike, si parti institucionaliste, duhet ta kuptojë këtë gjë”, ka thënë Abazi për Gazeta Blic.

“Unë jam optimist që do të ketë koalicion. Dhe shpresoj që do të ndodhë shpejt”, shtoi Abazi.