Përfundon takimi Kurti – Mustafa, u pajtuan prapë për t’u takuar, por jo për ta lidhur koalicionin

Ka përfunduar pa rezultate edhe takimi i sotëm mes kryetarit të Lëvizjes Vetëvendosje, Albin Kurtit dhe atij të Lidhjes Demokratike të Kosovës, Isa Mustafës, raporton Zëri.info.

Ndonëse dy liderët nuk u deklaruan për medie, zëdhënësi i LDK-së, Besian Mustafa tha para gazetarëve se edhe nesër do të zhvillojnë një takim. Ai tha se ka pasur disa lëvizje sa i përket marrëveshjes por pa i specifikuar ato.

“Takimi që ka filluar sot në orën 15:00 ka mbaruar tashmë. Kemi disa lëvizje por do të kemi edhe një takim të radhës nesër”, ka thënë Mustafa.