Magjistralja Podujevë-Merdarë zbukurohet me flamuj kuqezi (FOTO)

Sa herë që vjen nëntori, llapjanët bëhen gati të stolisin Podujevën me flamuj kuqezi. Një sasi e konsiderueshme e flamujve janë vendosur rrugëve të Podujevës për nder 28 Nëntorit, Ditës së Pavarësisë së Shtetit Shqiptar, nga disa qytetarë, transmeton PodujevaPRESS.com

Pak ditë para festës së 28 Nëntorit, një grup i vullnetarëve kanë vendosur flamuj kombëtarë shqiptarë në Podujevë.

Vendosja e tyre ka filluar që nga sot dhe po vazhdon ende. Këta qytetar kanë vendosur ta vazhdojnë këtë aktivitet të përvitshëm të cilin e bënte i ndjeri veprimtari Baki Ejupi, i cili ka ndërruar jetë para pak muajsh, në krye të detyrës si pjestarë i ushtrisë së Kosovës.

Baki Ejupi, ishte veteran i UÇK-së e nënoficer i FSK-së, ku për çdo vit organizonte vendosjen e flamujve në pjesë të ndryshme të Podujevës.

Për ta nderuar vepren e tij, shokët e Baki Ejupit zbukuran magjistralen Podujevë – Merdare me flamuj kuqezi./PodujevaPRESS.com/