Kujdes nga mjegulla në mëngjes, ky është parashikimi i motit për dy ditët e ardhshme

Instituti Hidrometeorologjik i Kosovës (IHMK), ka bërë të ditur se dy ditët e ardhshme na pret mot me temperatura të ulëta.

Instituti Hidrometeorologjik i Kosovës (IHMK), ka bërë të ditur se gjatë dy ditëve të ardhshme në vendin tonë do të mbajë mot i vranët dhe me intervale me diell.

Sipas IHMK-së, në mëngjes parashihet të ketë mjegull, kjo si pasojë e inversionit dhe proceseve fizike në fushat termike, shkruan lajmi.net.

Temperaturat minimale parashihen të lëvizin ndërmjet 2-3 gradë Celsius, ndërsa maksimalet e ditës parashihen të lëvizin ndërmjet 11-12 gradë Celsius.

Do të fryjë erë e lehtë deri mesatare nga drejtimi i verilindjes.

Më poshtë ju sjellim grafikën me temperaturat minimale dhe maksimale për dy ditët e ardhshme në qytetet kryesore të vendit.