Mimoza ‘mosmirënjohëse’, mohon rolin e VV’së: Mua më votojnë në çdo listë
Mimoza Kusari- Lila e cila së fundi iu bashkua listës së Vetëvendosjes, ka mohuar se rolin e partisë së Albin Kurtit, për votat që mori për një ulëse në Kuvend, duke thënë se atë qytetarët e votojnë në çdo listë, shkruan Gazeta Metro.
Kusari-Lila e cila aktualisht është kryetare e ‘Alternativë’, një partie të vogël e pa ndikim në politikë këto zgjedhje ka marrë 22 mijë vota.
“Në dekadën e parë të funksionimit tim në politikë kam bërë që njerëzit të ma mbajnë mend emrin, numrin dhe të më kërkojnë në listë për të më votuar”, ka thënë ajo në ktv.
Tutje, ajo theksoi se ajo votat i ka marrë si Mimozë dhe jo subjektit që i është bashkuar.
“Ka kohë ta ndërtojmë dhe punojmë ende. Si parti me vlera liberal-demokrate ka hapësirën e vet në tregun politik në Kosovë. Në realitetin politik dhe në skenën politike në Kosovë nuk është gjëja më e lehtë e mundshme të krijosh identitet, të mbash parime, vlera dhe të jesh në skenën politike e konfirmuar me vota, personalisht të mijat, i kalojnë votat që i kam marrë në Lidhjen Demokratike ku kam qenë e listuar me numrin 3”, ka thënë Mimoza.
Kujtojmë, që Kusari-Lila në tri palë zgjedhje, ishte në tri parti të ndryshme, fillimisht me me Behgjet Pacollin, pastaj me Ilir Dedën me LDK’në dhe tash me VV’në.
