Sfarqa i kundërpërgjigjet ashpër Fatmir Sejdiut

Ish-Kryetari i LDK-së Fatmir Sejdiu, fajtor për humbjen e këtij subjekti në zgjedhjet e 6 tetorit ka bërë tre figura kyçe të kësaj, Lutfi Hazirin, Agim Veliun dhe Muharrem Sfarqen.

Madje, Sejdiu kishte shkuar aq larg me akuza duke kërkuar nga ta që të japin edhe dorëheqje nga LDK, si përgjegjës për dëmtimin e partisë.

Ndryshe nga Sejdiu, Sfarqa ka dhënë disa shpjegime tjera për rezultatin e LDK-së në zgjedhje. Ky i fundit i ka thënë “Gazeta Blic” se LDK ka qenë shumë më keq në kohën e udhëheqjes së Sejdiut.

“Unë mund t’ia kujtoj zotit Sejdiu që kur ka qenë ai Kryetar i Lidhjes Demokratike të Kosovës, Ferizaj në zgjedhje ka pas 4600 vota, duke pas pas vetes vetëm partitë e minoriteteve”, ka deklaruar ai.

Sfarqa, vlerëson se dega LDK-së që e udhëheq ai në Ferizaj, është fuqia e tretë politike e partisë, duke mohuar kështu deklarimet e tij për dobësim të partisë.

“Unë nuk i di arsyet pse më ka përmend, unë presidentin Sejdiu e vlersoj, është Kryetar nderi i Lidhjes Demokratike të Kosovës, ka ushtru funskionet më të larta që ka mund ti ushtroj megjithatë disa informacione ai nuk i ka për shkak se dega e LDK-së në Ferizaj është fuqia e tretë politike e LDK-së në nivel të Kosovës. Ne kemi përpara vetëm dy degë të cilat janë në pushtet atë të Podujevës dhe të Pejës. Lidhja Demokratike e ka ruajtur votën e LDK-së në Ferizaj, ka përafërsisht të njëjtat vota sesa ka pas në zgjedhjet nacionale të vitit 2017 kur kemi qenë në koalicion me AKR-në. Realisht në vitin 2017 ne i kemi rujt votat dhe e kemi rujt fuqinë e tretë politike. Ndërkaq ne kemi pas një marrëveshje të përbashkët që të gjithë kandidatët e Ferizajt të punojnë për rritjen e LDK-së dhe jo për interesa personale duke e lënë të hapur të gjithë territorin gjeografik të Komunës së Ferizajt edhe për vota të të tjerëve. Pra ne nuk e kemi mbyll votën e LDK-së për kandidat Ferizaj pasi ne e shohim LDK-në si tërësi dhe jo si copëza të krahinave të ndryshme” ka thënë Sfarça për Gazeta Blic.