Rizgjedhet kryetari i LDK-së në Podujevë, Agim Veliu

Agim Veliu, një prej figurave kryesore të LDK’së, është rizgjedhur kryetar në degën e partisë në Podujevë.

Partia e Isa Mustafës ka njoftuar se Veliu, që udhëheq komunën e Podujevës në katër mandate, është votuar për kryetar të degës së LDK’së. Ai është edhe nënkryetar i partisë, shkruan Gazeta Express.

Njoftimi i plotë i LDK’së:

Sot, LDK Dega në Podujevë me sukses ka mbyllur Kuvendin zgjedhor ku ka rizgjedhë për kryetar, Agim Veliun.

Gjatë gjithë procesit zgjedhor ka pasur interesim shumë të madh të qytetarëve dhe anëtarësisë për përfshirje në proceset dhe aktivitetet e LDK-së. Veçanërisht ky proces u karakterizua me përfshirje të shumë të të rinjve.

Kryetari i Degës së Podujevës, njëherësh nënkryetar i LDK-së, Agim Veliu ka shprehur mirënjohje të madhe ndaj të gjithë aktivistëve që siguruan gjithëpërfshirje dhe mbarëvajtje në këtë proces.

Dega në Podujevë mbetet bastion i LDK-së dhe ky proces demokratik rikonfirmon fuqinë e LDK-së për rezultatin në zgjedhjet e ardhshme që do ta nxjerrin LDK-në partinë më të madhe në vend.