SHBA i reagon Kosovës: Mos punësoni njerëz pa merita nëpër institucione publike

Shtetet e Bashkuara të Amerikës (SHBA) përmes një reagimi të Ambasadorit të saj në Prishtinë, Philip Kosnett kanë deklaruar se se janë të zhgënjyer me punësimet në Kosovë nëpër institucione publike, transmeton Gazeta Metro.

Ambasada e Amerikës i ka dalë në mbështetje Ambasadës së Britanisë së Madhe në Kosovë gjatë ditës së sotme ku tha se janë të  zhgënjyer me vendimin e deputetëve të Kuvendit të Kosovës të datës 28 shkurt, për mosvotimin e asnjërit prej kandidatëve të rekomanduar nga partneri zbatues i Projektit të rekrutimit në pozitën e kryesuesit të Bordit të Zyrës së Rregullatorit për Energji (ZRRE).

Dështimi i deputetëve të votojnë njërin nga kandidatët e rekomanduar, sipas Ambasadës Britanike, ka rezultuar me rishpalljen e konkursit për këtë pozitë.

“Andaj, ne publikisht njoftojmë se projekti ynë nuk do të mbështesë ripërsëritjen e procesit rekrutues për pozitën e njëjtë të kryesuesit të Bordit të ZRRE-së”, thuhej në njoftimin e kësaj ambasade.

Ndërkaq, mbështetje këtij vendimi i ka dhënë edhe Ambasada e SHBA-së në Kosovë.

“Mbështes plotësisht përpjekjen e Britanisë së Madhe për punësime meritore – kjo çështje është qenësore për të garantuar prosperitet për Kosovën”, ka shkruar Ambasadori i SHBA-së në Kosovë, Philip Kosnett, në profilin e tij zyrtar në Twitter../gazetametro.net