Kjo është shuma e parave që KQZ e ndau për partitë politike, ja kush mori më shumë e kush më pak! | Dokument

Komisioni Qendror i Zgjedhjeve (KQZ), menjëherë pas dekretimit të anëtarëve të rinj, ka mbajtur mbledhjen e parë me përbërjen e re, ku ka miratuar fondin prej 4 milionë eurove për financimin e subjekteve politike.

Nga fondi i ndarë për mbështetjen e subjekteve politike për vitin 2019 ka përfituar më së shumti koalicioni qeverisës PDK-AAK-NISMA, ku në total kanë marrë 1 milion e 228 mijë e 500 euro dhe 136 mijë e 500 euro për Grupet Parlamentare.

Pas PAN-it është subjekti opozitar Lëvizja Vetëvendosje ajo që ka marrë më së shumti për dallim nga subjektet tjera që janë pjesë e Kuvendit të Kosovës, ku për subjekt i janë ndarë 1 milion e 8 mijë euro ndërsa për Grup Parlamentar 112 mijë euro.

Ndërkaq LDK-së dhe AKR-së i janë ndarë në 913 mijë e 500 euro për fundi për subjekte dhe 101 mijë e 500 për Grupe Parlamantare.

“Gazeta Blic” ka siguruar një kopje të vendimit me fondin e ndarë për të gjitha partitë politike ku qartëzohet se ndarja e fondit mbështetës është bërë në bazë të ulësve brenda Kuvendit të Kosovës.

“Caktohet lartësia e mjeteve nga Fondi për mbështetjen e subjekteve politike për financimin e aktiviteteve të rregullta, të subjekteve politike të certifikuara nga KQZ me vendim nr. 1233/2017 të datës 08.07.2017 për certifikimin e rezultateve përfundimtare të zgjedhjeve të parakohshme për Kuvendin e Kosovës të 11 Qershorit 2017, të përfaqsuara në Kuvendin e Republikës së Kosovës në bazë të numrit të ulëseve për atë mandat. Shuma e mjeteve për financimin e aktiviteteve të subjekteve politike nga fondi për vitin 2019 është 4.200.000.00 euro dhe ndarja bëhet si në pikën 1 të këtij vendimi në bazë të numrit të ulëseve të fituara për Kuvend për atë mandat për subjektet politike”, thuhet në vendim.

Ndarja e mjeteve financiare:

Partia Demokratike e Kosovës, Aleanca për Ardhmërinë e Kosovës, NISMA për Kosovën, Partia e Drejtësisë, Lëvizja për Bashkim, Partia Shqiptare Demokristiane e Kosovës, Alternativa Demokratike e Kosovës, Republikanët e Kosovës, Partia e Ballit – Fondi 1.228.500.00 për subjekt dhe 136.500.00 për Grupe Parlamentare.

Lëvizja Vetëvendosje 1.008.000.00 për subjekt dhe 112.000.00 për Grup Parlamentar

Lidhja Demokratike e Kosovës dhe Aleanca Kosova e Re 913.500.00 për subjekt politik dhe 101.500.00 për Grupe Parlamentare

Srpska Lista 283.500.00 për subjekt politik dhe 31.500.00 për Grup Parlamentar

Kosova Demokratik Turk Partis 63.000.00 për subjekt politik dhe 7.000.00 për Grup Parlamentar

Koalicja Vakat 63.000.00 për subjekt politik dhe 7.000.00 për Grup Parlamentar

Nova Demokratska Stranka 31.500.00 për subjekt dhe 3.500.00 për Grup Parlamentar

Samostalna Liberalna Stranka 31.500.00 për subjket dhe 3.500.00 për Grup Parlamentar

Partia Demokratike e Ashkalinve të Kosovës 31.500.00 dhe 3.500.00 për Grup Parlamentar

Partia Liberale Egjiptiane 31.500.00 për subjekte politike dhe 3.500.00 për Grup Parlamentar

Jedinstvena Goranska Partija 31.500.00 për subjekte politike dhe 3.500.00 për Grup Parlamentar

Partia e Ashkalinjëve për Integrim 31.500.00 për subjekte politike dhe 3.500.00 për Grup Parlamentar

Partia Rome e Bashkuar e Kosovës 31.500.00 për subjekte politike dhe 3.500.00 për Grup Parlamentar