Hetimi Trump-Rusi: Presidenti nuk bashkëpunoi me rusët

Presidenti Donald Trump nuk ka bërë ‘komplot me Rusinë’ gjatë fushatës zgjedhore të vitit 2016, thuhet në raportin e Prokurorit Special Robert Mueller.

Përmbledhja e këtij raporti që u prezentua të dielën, nuk arriti në ndonjë përfundim se kishte pasur pengesa në drejtësi, shkruan BBC, transmeton Periskopi.

Ai ka theksuar: “Përderisa ky raport nuk arrin në ndonjë përfundim se presidenti ka kryer një krim, ai gjithashtu nuk e përjashton atë”.

Prokurori i përgjithshëm ka thënë se kjo nuk përbën shkelje.

“Raporti përshkruan përpjekjet ruse për të ndikuar në zgjedhje dhe paraqet krimet e kryera”, thuhet në letrën e Kongresit nga Prokurori i Përgjithshëm William Barr.

“Prokurori special nuk gjeti se ndonjë zyrtar i SHBA-së apo zyrtari i fushatës “Trump” ka bashkëpunuar me Rusinë”.

Kongresmeni Jerry Nadler, njëherësh kryetari Demokratik i Komitetit Gjyqësor të Dhomës së Përfaqësuesve, tha se avokati i përgjithshëm nuk e përjashtoi mundësinë që Trump’i mund të kishte penguar drejtësinë.

“Barr thotë se presidenti mund të ketë provuar për ta pengojë drejtësinë, por për një gjë të tillë qeveria duhet të provojë përtej një dyshimi të arsyeshëm se një person, duke vepruar me qëllim të korruptues, është angazhuar në një veprim të tillë”.

Ndërkaq, sekretarja e shtypit e Shtëpisë së Bardhë, Sarah Sanders gjetjet e raportit i ka cilësuar si “një përjashtim total dhe i plotë të presidentit”./Periskopi