Biden i shkruan Thaçit, konfirmon mbështetjen e SHBA-së për dialogun

Presidenti i Kosovës, Hashim Thaçi ka pranuar një letër nga ish-zëvendëspresidenti i SHBA-së, Joe Biden.

Thaçi përmes një shkrimi në facebook ka njoftuar se letra e Biden vjen si përkrahje për një zgjidhje të dakorduar në mënyrë reciproke me Serbinë, transmeton Indeksonline.

“Dje kam pranuar një letër nga ish-zëvendëspresidenti i SHBA-së, Joe Biden, i cili vazhdon të jetë shumë i përkushtuar për Kosovën. Edhe kjo letër e ish-zëvendëspresidentit Biden vjen si përkrahje për një zgjidhje të dakorduar në mënyrë reciproke me Serbinë, e cila çon në njohjen e pavarësisë së Kosovës”, ka shkruar Thaçi.

Ndër të tjerash ai ka theksuar se miqësia me SHBA-në është e shenjtë.

“Jemi të bekuar me miqtë e shumtë amerikanë dhe kjo miqësi është e shenjtë për vendin dhe popullin tonë”, ka shkruar mes të tjerash Thaçi.