“SHBA e ka seriozisht për Boundsteel, pritet tërheqja e forcave amerikane”

Shtetet e Bashkuara të Amerikës kanë paralajmëruar tërheqjen e ushtrisë Amerikane nga Kosova, në rast që kjo e fundit nuk tërheq taksën ndaj shtetit serb.

Kjo sipas një dokumenti të publikuar nga një medium kosovar.

Ky paralajmërim i SHBA-së, po merret me seriozitet të madh nga njohësit ushtarak, të cilët thonë se mesazhi amerikan është i qartë dhe se institucionet duke filluar me kryeministrin Haradinaj duhet të reflektojnë.

Njohësi çështjeve të sigurisë Nuredin Ibishi në një prononcim për Gazetën Blic ka thënë se gjendja e tanishme është alarmuese, dhe se Haradinaj duhet të reflektojë me seriozitet ndaj kërkesës amerikane.

Ai ka shtuar se tërheqja e forcave amerikane mund të ndodh vërtet, dhe se kjo do të ishte fatale për shtetin e Kosovës.

“Vërejtjet janë shumë serioze dhe jo vetëm kjo, por edhe paralajmërimet e mëhershme si janë anulimi i vizitës së gjeneralit amerikan dhe anulimi i bursave nga qendra Mareshal për të rinjtë nga Kosova. Dhe tash pas deklaratave të fundit, kjo është një vërejta më serioze që Amerika po e bën, dhe nuk janë fjalë boshe ata janë shumë transparent dhe që nga fillimi kanë kërkuar me seriozitet të lartë se nuk duan ta prishin partneritetin me neve” ka thënë Ibishi.

Ai ka theksuar se gjendja e tanishme në end është kritike dhe se sidomos Haradinaj duhet ta kuptoj seriozitetin e situatës.

Ai madje edhe i ka drejtuar një apel të tillë shefit të ekzekutivit. Ka tërhequr vërejtjen që kjo do ta rrezikonte edhe lidhjen me NATO.

“Kjo është një fazë kritike për mu, që liderët tan, e sidomos kryeministri por edhe të tjerët që nuk e marrin me seriozitet këtë kërkesë që realisht në këtë situatë të brishtë të sigurisë në këtë fazë, do duhej të silleshin ndryshe.Unë apeloj që ky është momenti i fundit që duhen të merren masa, përndryshe ne mundemi shumë lehtë me u gjet në një situatë që mundet me ndodh ajo në realitet, dhe SHBA të tërheq forcat e veta. Kjo do të bënte që edhe përkrahja e NATO-së të vihej në pikëpyetje” është shprehur Ibishi.

Sipas tij gjendja është alarmante.

“Unë e llogariti këtë si gjendje kritike.Tërheqja që mund të ndodh do të krijonte një situatë alarmante dhe të rëndë dhe e theksohej edhe njëherë së kjo do të vinte në pikëpyetje edhe misionin e NATOS-së” ka përfunduar Ibishi.

Ambasada Amerikane ka kërkuar edhe njëherë zyrtarisht nga Kosova pezullimin e taksës.

Ndërsa Haradinaj ka thënë se Kosova është e gatshme për pasoja.

/GazetaBlic/