Protesta në Shqipëri, Mal të Zi, Serbi dhe Bosnje dhe Hercegovinë në të njëjtën kohë, a ka ardhur “Pranvera e Ballkanit”?

Sipas miteve të shumta, çdo pranverë kishte një shenjë të mirë. Sipas rrethanave dhe ngjarjeve që po ndodhin në Ballkan, pranvera e vitit 2019 do të ketë një shenjë të mirë.

Duket se qytetarët e Ballkanit janë të lodhur nga keq qeverisjet, shkruan BBC në gjuhën serbe,  transmeton Indeksonline.

Në shumë shtete të Ballkanit po ka protesta të shumta të qytetarëve. Në Serbi që 11 javë qytetarët janë në rrugë duke kërkuar dorëheqjen e presidentit, Aleksander Vuçiq.

Kurse në Tiranë pas protestave të studentëve, tash opozita ka filluar me protesta kundër kryeministrit, Edi Rama.

Ndërsa në Mal të Zi, po kërkohet largimin e strukturës drejtuese  dhe ndërtimin e një shoqërie të lirë civile.

Qytetarët e Bosnjës dhe Hercegovinë po ashtu po protestojnë për mos zbardhjen e një vrasje e cila ka filluar të marrë ngjyrosje politike.

Edhe pse në të gjitha vendet kërkesat ishin të ndryshme, të gjitha ishin kundër veprimeve të qeverisë.  A janë këto protesta fillime të një  ‘Pranvere në Ballkan’?/Indeksonline/