Ballkani.Info: Gjithçka rreth prapaskenave të zgjedhjeve brenda LDK-së. Agim Veliu apo Lutfi Haziri?

Në muajin maj pritet të përmbyllet procesi zgjedhor në Lidhjen Demokratike të Kosovës. Kohë më parë nënkryetari i kësaj partie, Lutfi Haziri pati deklaruar se kryetari i ri I LDK-së do të zgjidhet më 24 maj.

Burime brenda LDK-së, bëjnë të ditur se kryetari Isa Mustafa po përpiqet që t’i shtyjë zgjedhjet partiake deri në muajin shtator. Kjo, për shkak se sipas burimeve, ai dëshiron që ta marrë edhe një mandat në krye të partisë, dhe po pret që ta përfundojë rehabilitiin e tij, pas sëmundjes që e kaloi vitin që lamë pas.

Por, duket se gara për të parin e partisë nuk do të jetë e vetmja garë interesante në LDK. Në Degët e Prishtinës, kandidatë të ndryshëm kanë filluar të shfaqin apetitet për marrjen e detyrës së kryetarëve të Degëve, për t’I rritur shanset më pas për të qenë kandidat për kryetar të Prishtins, pas humbjes që pësoi Arban Abrashi përballë Shpend Ahmetit.
Burimet të Ballkani.info brenda kësaj partie thonë se gara më e ashpër po zhvillohet në Degën e Tretë dhe në Degën e Katërt të Prishtinës, prej nga vijnë shumë deputetë e anëtarë kryesie të LDK-së, ish ministra si dhe vetë kryetari Isa Mustafa.

Bëhet e ditur se gara po zhvillohet ndërmjet kandidatëve që kanë mbështetjen e dy nënkryetarëve të partisë, Agim Veliut dhe Lutfi Hazirit. Kështu, në Degënn e Tretë, thuhet se do të rikandidojë kryetari aktual, Hazir Borovci, i cili ka mbështetjen e Familjes Rugova dhe atë të Lutfi Hazirit.

Arban Abrashi po përpiqet ta marrë mbështetjen e Agim Veliut, në pëprjekje për ta mundur Borovcin. Kohëve të fundit, ai është parë shpesh në shoqërinë e djalit të Agim Veliut, Naserit, i cili thuhet se kontrollon një numër solid të delegatëve të Forumit të Rinisë.
Por, burimet brenda partisë më të madhe në Kosovë, janë shprehur të habitur se si ka arritur Arban Abrashi të marrë mbështetjen e llapjanëve, pasi ai historikisht është njohur si “njeriu i Lutës”.

Kjo, ka ngjallur edhe reagime të shumta në mesin e llapjanëve, të cilët duan që nënkryetari Veliu të mbështesë dikë që vjen nga Rajoni I Llapit. Vetë Agim Veliu, asnjëherë nuk është shprehur rreth kësaj çështjeje. Kujtojmë se pjesë e kësaj Dege janë deputetët Vjosa Osmani, Arban Abrashi, Doruntina Maloku, Teuta Rugova dhe ish ministri Skënder Hyseni, i cili kohëve të fundit ka dalur tërësisht kundër qëndrimeve të partisë sa I përket cështjes së dialogut dhe rrëzimit të Qeverisë Haradinaj.

Duket se gara e brendshme do të pëcaktojë edhe për atë se kush do të jetë kandidat për kryetar të Prishtinës në zgjedhjet e ardhshme për kryeqytetin.

Madje, thuhet nga burimet, se djali i Agim Veliut, Naseri, po përpiqet të ndikojë edhe në atë se kush do të bëhet kryetar në Degën e Katërt. Zëdhënësi i partisë, Besian Mustafa, thuhet të ketë shfaqur ambiciet për të qenë kandidat për kryetar të Prishtinës.

Burimet bëjnë të ditur se grupi i llapjanëve në Degën e 4-të kanë filluar lobimin për ta vënë Mustafën në krye të kësaj Dege, por kanë hasur në rezistencë të madhe nga grupet e tjera për shkak se Mustafa konsiderohet tepër i papërvojë në politikë dhe poashtu mbështetet nga sekretari I partisë Ismet Beqiri, të cilin sipas burimeve në Degën e Podujevës, llapjanët nuk e përkrahin.

Në këtë lojë, një rol dytëzor po përpiqet ta luajë edhe kryetari I Forumit të Rinisë, Fidan Rekaliu, i cili njihet si deputeti që nuk di t’I lexojë as fjalimet të cilat thuhet se ia shkruan dikush tjetër, pretendon që duke ia dhënë mbështetjen e Rinisë, do ta ndikojë në zgjeedhjen e kryetarëve të këtyre Degëve. Por, sipas burimeve, ai vetë ka humbur mbështetjen e llapjanëve dhe të rinisë së LDK-së për shkak të paaftësisë ëpr ta drejtuar këtë organ izëm kaq me rëndësi për secilën parti. Nga struturat e FRLDK në Degën e Tretë dhe të Katërt, bëhet e ditur se Rekaliu nuk do të gjejë mbështetje më për të parin e Forumit për shkak të monopolizimit që I ka bërë FRLDK-së, dhe për shkak se ka ardhur si shkak I një marrëveshjeje politik ndërmjet nënkryetarëve të LDK-së, të cilën nuk e ka zbatuar deri muaj në gati 3 vitet e udhëheqjes.

Burimet e Ballkani.info nga Dega e Podujevës flasin për pakënaqësi të mëdha të qytetarëve të Podujevës por në vecanti të strukturave të LDK-së dhe të veprimtarëve të dalluar të kësaj Dege, për involvimin e djalit të kryetarit Veliu në procese zgjedhore.

Në anën tjetër, në Degën e Katërt zgjedhja e kryetarit do të jetë tepër e vështirë, pasi në këtë Degë të LDK-së, kandidatë për kryetarë janë edhe deputeti Lumir Abdixhiku, kryetari aktual i Degës, Halim Mucolli dhe Akademik Frashër Demaj. Bëhet e ditur se Abdixhiku ka mbështetjen e Forumit të Rinisë, ndërsa Frashër Demaj ka mbështetjen e Familjes Rugova, marrë parasyshë faktin që në këtë Degë është edhe deputeti Naser Rugova dhe I cili njihet për miqësinë e ngushtë me Demajn.

Zytarë të kësaj Dege, në kushte anonimitieti, kanë thënë se gara do të jetë tepër interesante por e cila mund të cojë në përcarje të mëtutjeshme brenda LDK-së, për shkak të involvimit të familjarëve të figurave qendrore të kësaj partie, por edhe për shkak të përçarjes së heshtur që ekziston tashmë brenda LDK-së në përgjithësi. Kujtjmë që në zgjedhjet e kaluara, kandidati i kryetarit Mustafa, Hashim Deshishku kishte humbur për vetëm një votë diferencë nga kryetari aktual Halim Muçolli.

Sa i përket garës qendrore për të parin e LDK-së, në këtë parti thonë se përveç Isa Mustafës i cili mund të rikandidojë edhe për një mandat, kandidatë tjerë janë ish presidenti Fatmir sejdiu, i cili tashmë ka filluar të kërkojë mbështetjen e kryetarëve të Degëve të LDK-së, shefi i Grupit Parlamentar Avdullah Hoti, i cili ka mbështetjen e Rahovecit, Suharekës, Malishevës dhe po përpiqet të marrë mbështetjen e Prizrenit, nëse fiton kandidati Driton Selmanaj në garën për kryetar të kësaj Dege.

Dukagjini në anën tjetër është i ndarë në dysh. Një pjesë, ku hyn kryetari i Pejës Gazmend Muhaxheri dhe ai i Istogut, Haki Rugova, mbështesin Isa Mustafën, ndërsa strukturat e këtyre Degëve dhe elektorati e mbështesin Akademik Kujtim Shalën për kryetar të kësaj partie.

Vetë Shala, thuhet ta ketë mohuar kandidimin, por si Avdullah Hoti, edhe ai shpreson se mund te jetë një nga kandidatët e kompromisit. Dy figurat qendrore në këtë garë, mbesin Lutfi Haziri e Agim Veliu, të cilët në mënyrë të heshtur po përpiqen që ta marrin kryesimin e partisë më të madhe në Kosovë, nëpërmjet një marrëveshjeje politike me Isa Mustafën dhe në Kuvendin Zgjedhor të LDK-së kandidati për kryetar të votohet me aklamacion. /Ballkani.info/