Ahmeti konfirmon raportimet e mediave: Amerika nuk jep viza për zyrtarët e Kosovës pa e hequr taksën

Bashkëkryesuesi i ekipit të dialogut me Serbinë, Shpend Ahmeti ka konfirmuar se Shtetet e Bashkuara të Amerikës (SHBA) nuk do të japin viza për zyrtarët e Kosovës pa hequr taksën ndaj Serbisë,  qëndrime këto që edhe Metro i ka raportuar para 1 jave, transmeton Gazeta Metro.

Ahmeti duke folur për zhvilimet e fundit rreth procesit të dialogut mes Kosovës dhe Serbisë, ka treguar se Shtetet e Bashkuara të Amerikës kanë marrë shumë seriozisht çështjen e vendosjes së taksës 100% ndaj Serbisë.

Ai ka treguar sonte në RTV Dukagjini se SHBA’të nuk do të japin më viza për zyrtarët amerikan derisa të hiqet taksa e vendosura nga Qeveria e Kosovës, transmeton Gazeta Metro.tha ai.

“Hapi i parë që ka marrë Amerika është se nuk jep më viza për zyrtarët e Kosovës, qoftë nga pozita apo opozita, deputetë…Nuk e kisha quajt vendim formal. Megjithatë po thonë se ma mirë mos lypni të shkoni në Amerikë sepse nuk duam t’iu refuzojmë, por e kemi si vendim dhe qëndrim se pa u pezulluar kjo taksë nuk mundeni të vini në SHBA”.

Ahmeti ka thënë se nuk është se politikanët do të mbesin keq pa shkuar në Amerikë, por duan që kjo e fundit ta kuptojë Kosovën./gazetametro.net