OVL-SHFD-SHIL e UÇK-së, bëjnë nderime para shtatores së Zahir Pajazitit

Me rastin e 22 vjetorit të rënies së Heronjve të Kosovës Zahir Pajaziti, Edmond Hoxha dhe Hakif Zejnullahu organizatat e dala nga Lufta e UÇK-së, të ënjtën kanë bërë homazhe para shtatores së Zahir Pajazitit në Prishtinë.

Ndryshe të tre dëshmorët kanë  rënë heroikisht më 31 janar të vitit 1997 në Pestovë të Vushtrrisë, në një pritë të organizuar nga forcat serbe.

Zahir Pajaziti ishte organizues dhe zbatues i shkëlqyeshëm i sulmeve guerile ndaj forcave serbe në Kosovë, veçanërisht në rajonin e Llapit.

Ai ishte komandanti i parë i Zonës Operative të Llapit dhe njëri ndër organizatorët më të mëdhenj të luftës në Kosovë.

31 janari shënohet si një datë e sakrificës më sublime e Zahir Pajazitit, Edmond Hoxhës dhe Hakif Zejnullahut./rtklive/