Paralajmërohet grevë e përgjithshme në Kosovë

Situata tejet e rëndë duket se do të jetë gjatë këtij muaji në Kosovë, tani Bashkimi i Sindikatave të Pavarura të Kosovës, përmes një komunikate ka thënë se mbështetë kërkesat e të gjithë sindikalistëve të federatave/sindikatave në kuadër të BSPK-së që kanë të bëjnë me Draft Ligjin e Pagave, transmeton Gazeta Metro.

BSPK ka thënë se Qeveria e Kosovës të zgjidhen sa më shpejtë çështjet e adresuara nga sindikatat, në të kundërtën do të ndërmarrin veprime të përgjithshme sindikale deri në realizimin e kërkesave të punëtorëve.

“Bashkimi i Sindikatave të Pavarura të Kosovës, përmes kësaj komunikate kërkon nga Qeveria e Kosovës dhe akterët kompetent që sa më shpejtë çështjet e adresuara nga sindikatat të zgjidhen, në të kundërtën do detyrohemi që të ndërmarrim veprime të përgjithshme sindikale në kuadër të BSPK-së për realizmin e kërkesave të punëtoreve, gjithmonë duke u mbështetur në të drejtat që i jep Ligji mbi Organizmin Sindikal dhe Ligji mbi Grevat”, ka paralajmëruar BSPK.

BSPK kërkon nga Qeveria të ndërmerr masa dhe të reflektoj ‘sa më shpejtë në përmirësimin e këtyre lëshimeve në mënyrë që të mos përshkallëzohen pakënaqësitë dhe të na sjellin në një situatë kur pothuajse të gjitha profilet e punëtoreve të shërbimeve publike në vend të ndërmarrin veprime radikale të presionit sindikal’.