Dikush po paralajmëron protestë në këtë fshat të Podujevës, shkak konkursi për gardian

Faqja në facebook me emrin “Fshati Gerdoc” ka njoftuar se të dielen do të mbahet një protestë në këtë fshat të Podujevës si shenjë paknaqësie për mos pranimin e të rinjëve nga po ky fshat për zyrtar korrektues në Burgun e Sigurisë së Lart, transmeton portali PodujevaPRESS.com

Në konkursin e shpallur nga Ministria e Drejtësisë thuhet se kanë aplikuar më shumë se 50 persona nga ky fshat e që sipas kësaj faqeje 6 prej tyre kanë kaluar të gjitha testet por komisioni vlerësues nuk i ka kualifikuar per tu pranuar si zyrtar korrektues.

Protesta është thirrur për të dielen nga ora 12:00, ku është kërkuar që protesta të mbahet para hyrjes së Burgut të Sigurisë së Lartë që gjendet në fshatin Gerdoc të Podujevës.

Burimet jo zyrtare kanë treguar për PodujevaPRESS se në konkursin e fundit të hapur nga Ministria e Drejtësisë konkretisht nga Sherbimi Korrektues i Kosovës, nga 60 zyrtar të pranuar në Burgun e Sigurisë së Lartë 10 janë nga Podujeva.

Sa është e vertet kjo thirrje për protest, ne si portal ende nuk kemi mundur ta konfirmojmë.

Për më shumë kjo është thirrja e bërë në facebook: