Meriton Shoshi, emërohet kryeinspektor i AKI-së

Meriton Shoshi është emëruar kryeinspektor i Agjencisë Kosovare të Inteligjencës.

Kështu ka marrë vesh Gazeta Blic nga burime të afërta me AKI-në.

Sipas këtyre burimeve, vendimi tashmë është marrë nga kryeministri i vendit, Ramush Haradinaj, derisa Shoshi këtë detyrë do ta nis nga data 1 shkurt.

Merret vesh se për Shoshin, është pajtuar edhe presidenti i vendit, Hashim Thaçi.

“Meriton Shoshi është emëruar kryeinspektor. Nga 1 shkurti Shoshi do ta marrë edhe zyrtarisht detyrën e re”, thonë këto burime.

Shoshi në këtë post do ta zëvendësoj Shkelzen Sopjanin.

Agjencia Kosovare e Inteligjencës është përballur me skandale të njëpasnjëshme, çka ka bërë që të shkarkohen disa drejtor.

I fundit qe është shkarkuar është Driton Gashi, për rastin e Gylenistëve, derisa në vend te tij është emëruar, ish- drejtori i Policisë, Shpend Maxhuni.