Arsimi nis grevën nga nesër

Nga nesër të gjithë punëtorët e Arsimit në Kosovë do të hynë në grevë, kjo pasi Sindikata e Arsimit ka kërkuar nga Qeveria Haradinaj tash e sa muaj plotësimin e disa kriterëve, ndër kryesoret është ngrijta  30%, e koeficientit të mësimdhënësve për paga, transmeton Gazeta Metro.

Dyert e shkollave për nxënësit kosovarë nesër do të jenë të mbyllura, kjo pasi Qeveria dhe Ministria e Arsimit nuk ju ka plotësuar atyre kushtet e kërkuara tash e sa muaj, në grevë nuk do të jenë vetëm shkollat fillore dhe të mesme, ato në përkahje do t’i dalin edhe Universitetet publike të Kosovës.

Ngritje paga nga Kryeministri Haradinaj pati për punëtorët e shëndetësisë, policët, zjarrëfikësit dhe disa kategori të tjera, por punëtorët në sektorin e arsimit nuk përfituan asnjë rritje page nga kjo nismë e Haradinaj, prandaj ata tash e sa muaj kishin dërguar disa kushte që duheshin të plotësoheshin nga Qeveria dhe Ministria e Arsimit, por kjo hasi në vesh të shurdhër, transmeton Gazeta Metro.

SBASHK’u përmes një njoftimi sot ka treguar se mësimi nuk do të fillojë, po ashtu ata i kanë kërkuar falje nxënësve se greva nuk do të jetë e shkurtër dhe kjo mund të vazhdojë me javë të tëra, ata kanë thënë se moshatarët e tyre nuk mund t’i takojnë pasi Qeveria nuk ju ka plotësuar akoma kushtet e kërkuara.

‘’SBASHK-u ju drejtohet përmes kësaj letre me një apel publik për mirëkuptim, për orët që do ti humbni ndoshta edhe me muaj si dhe për vogëlushet në çerdhe që edhe ata s’do të kenë mundësi ti takojnë moshatarët e vet, por edhe edukatoret e tyre të dashura, jo pse këtë e dëshirojnë edukatoret, mësuesit, profesorët universitar dhe i tërë stafi i të punësuarve në arsim, por kjo grevë u imponua për shkak se negociatat për plotësimin e kërkesave nuk dhanë rezultate’’, shkruan në letrën e SBASHK’ut, transmeton Gazeta Metro.

Këtë grevë nga punëtorët e Arsimit po e përkrahin shumica e shkollave të Kosovës, duke theksuar se vetëm shkolla “Elena Gjika” në Prishtinë do të mbajë mësimin si çdo ditë tjetër të javës.

Në përkrahje të grevës ka dalë edhe deputetja e VV’së, Albulena Haxhiu, e cila ka përmendur se këshilltarët e zëvendësministrat nuk mund ta kenë rrogën më të lartë shumë fish sesa punëtorët e arsimit dhe shëndetësisë.

Ndërkaq, Ministria e Arsimit dhe Qeveria kanë hedhur fajin tek njëra tjetra për mosplotësimin e kritereve të kërkuar nga SBASHK’U.