Të shtëna me armë në një lokal në Prishtinë, Policia gjen disa
Policia jep detaje për maskat në Podujevë, ja sa para morën
Grabitjet janë bërë të shpeshta kohëve të fundit në vendin tonë, ndërsa një e tillë ndodhi edhe gjatë mbrëmjes së kaluar, transmeton Gazeta Metro.
Bëhet fjalë për plaçkitjen në Podujevë, në një lokal me lojëra të fatit, për të cilën Policia ka dhënë detajet e para.
Siç njofton Policia në raportin e saj 24 orësh, tre persona të maskuar nën kërcënimin e armëve kanë vjedhur plot 1000 euro, dhe më pas janë larguar.
”Ankuesi mashkull K-Shqiptar ka raportuar se për deri sa ishte në lokalin e tij duke punuar tre të dyshuar të maskuar dhe nën kërcënimin e armëve të zjarri kanë grabitur rreth 1000 euro para të gatshme”, thuhet në raport.
Rasti është ende duke u hetuar nga policia dhe njësitet relevante të saj.
Kujtojmë se kohëve të fundit, në Kosovë janë shënuar disa raste të grabitjeve.
Më i rëndi është ai para disa ditësh në një bankë në Istog, ku si pasojë humbi jetën vet hajduti dhe polici, Izet Demaj, që ishte në detyrë.