Garë në parashikimin e motit: Mendim Rugova kundër Sylë Tahirsylajt, cili do t’ia qëllojë

Ekzistimi i institucioneve të ndryshme meteorologjike tashmë është realitet në botë, ndërsa ‘pluralizimi’ i parashikimit të motit na ka përshirë edhe ne, qëkur Sylë Tahirsylaj drejtor i dikurshëm i Institutit Hidrometeorologjik të Kosovës.

Mendimi, djali i presidentit historik të Kosovës, Ibrahim Rugova është duke u përplasur me ish-drejtorin e Institutit Hidrometeorologjik të Kosovës, Sylë Tahirsylaj.

Deri sa të gjithë këto ditë e shikojmë më shumë parashikimit e motit për shkak të acarit që po mbretëron, java tjetër do të zbulojë se cili nga meteorologët ka dhënë parashikimin e saktë për motin.

Teksa djali i presidentit Ibrahim Rugova, thotë se moti në fillim të javës do të jetë shumë i ftohtë, Sylë Tahirsylaj thotë se në vendin tonë java e ardhshme do të jetë më e mirë se kjo që sapo e kaluam, shkruan Insajderi.

“Të hënën ftohtë, kryesisht vranët dhe kohëpaskohe me reshje bore, ku në orët e paradites mund të jenë më intenzive. Ditën e martë, shumë ftohtë dhe me erë. Pjesërisht vranët, kohëpaskohe me reshje lokale bore”, ka shkruar Rugova teksa ka parashikuar motin për pesë ditët e ardhshme.

Diçka më ndryshe ka parashikuar motin për këtë fillim të javës ish-drejtori i Instituti Hidrometeorologjik të Kosovës. Ai nuk e ka paraqitur motin si “shumë të ftohtë” ashtu siç e ka parashikuar Mendim Rugova.

Ka thënë se java e ardhshme do të jetë më e mirë se java që e kaluam.

“Të premten dhe të shtunën do të ndërpriten reshjet, ndërsa të dielën dhe të hënën do të ketë ndonjë reshje sporadike jo në shkallë vendi. Prandaj na pret një javë tjetër më e mirë se kjo javë që po kalojmë”, ka deklaruar Tahiri ditë më parë.