Rrustem Mustafa ka një mesazh për liderët

Ish-komandanti i UÇK-së në Zonën e Llapit, Rrustem Mustafa nëpërmes faqes së tij në rrjetin social facebook ka dhënë një mesazh për liderët, transmeton portali PodujevaPRESS.com

Mustafa ka thënë se “liderët duhet të funksionojnë me besim. Liderët duhet të reflektojnë shpejtë, të përmirësojnë komunikimin politik dhe institucional”.

Ky është mesazhi i tij:

Liderët duhet të funksionojnë me besim!

Liderët duhet të reflektojnë shpejtë, të përmirësojnë komunikimin politik dhe institucional.

Transparenca duhet të mbizotërojë pasigurinë e udhëheqësve të shtetit.

Nuk duhet të shfaqeshin dilema nga askush për gjëra që ne duhet t’i bëjmë mbi bazën e partneritetit me NATO dhe BE.

Mungesa e vullnetit për të sqaruar mirë para qytetarëve tanë marrëveshjet ndërkombëtare, keqintepretimet e qëllimshme dhe të pa qëllimshme kanë prodhuar situatë ku humbet besimi në jetë dhe zhvillim.

Është obligim, qytetarët duhet sqaruar mirë për cdo dilemë të ngritur.

Në kushtet e sotme nuk kanë vend projektet për defunksionalizim të shtetit.

E kundërta kërkohet nga qytetarët, po edhe nga miqtë e vendit tonë.

Kërkohet funksionalizimi i kapaciteteve të plota shtetërore në funksion të rendit, ligjit, rregullit dhe mirëqenies.

Kemi nevojë për politika zhvillimore, jo politika operacionale…