Gruaja e parë e ftuar nga Specialja: Deklaratat e mia s’do t’ju pëlqejnë, por do t’i përgjigjem ftesës

E ftuara e parë grua nga Gjykata Speciale, ish-ushtarja e UÇK-së, Raimonda Rreci, ka shkruar përmes Facebook-ut se në ftesën të cilën e ka marrë, nuk ceket se në çfarë cilësie është ftuar duke thanë se do t’i përgjigjet ftesës së gjykatës në çfarëdo cilësie që të jetë thirrur, trasmeton gazeta Metro.

“Ne email por edhe përmes kërkesës qe i është dërguar departamentit te shtetit këtu ne Amerike, realisht nuk ceket se ne çfarë kategorie dhe për këtë janë duke u marre qeveria Amerikane me gjykatën speciale. Ne telefonatën qe kisha me zonjën Macgregor me date 04.12.2018 me tha se jam duke u cilësuar si dëshmitarë”, ka shkruar ajo.

Postimi i plotë:

Ju falemnderit te gjitheve per perkrahjen qe jeni duke me dhene si permes mesazheve ne media sociale apo edhe telefonatat e panumerta qe kur e bera publike ate njoftimin per ftese. Po me pyesni ne cfare cilesie jam e ftuar ? Ne email por edhe permes kerkeses qe i eshte derguar departamentit te shtetit ketu ne Amerike, realisht nuk ceket se ne cfare kategorie dhe per kete jane duke u marre qeveria Amerikane me gjykaten specjale. Ne telefonaten qe kisha me zonjen Macgregor me date 04.12.2018 me tha se jam duke u cilesuar si deshmitare.

Ishte kerkesa ime qe rasti te dergohej permes organeve zyrtare keshtu qe mbetet te presim per informata te metutjeshme.

Nuk kam plane te mos i pergjigjem gjykates pa marr parasyshe se ne cfare cilesie. Nuk kam asgje te fsheh, mbase deklaratat e mia nuk do ju pelqejne por une do i pergjigjem.

Mbetem krenare me luften tone, ne nuk bem asgje me shume se mbrojtem pragun e deres.

Me respekt