E tepron Serbia: Shërbimi sekret BIA ndalon edhe një zyrtar të Kosovës në kufi

Kryeministri Ramush Haradinaj ka reaguar ashpër ndaj sjelljes së policisë dhe intelegjencës serbe, të cilët për herë të tretë tashmë ndalin zyrtarët e Kosovës në vendkalimin kufitar në Merdarë, për t’i marrë në pyetje, zyratrët e Qeverisë së Kosovës, sikur të ishim në kohën e ‘Luftës së Ftohtë’, transmeton Gazeta Metro.

Me taktika bolshevike dhe të dala jashtë modës autoritetet serbe kanë ndaluar Nebojsa Jakovljevic. Ai zyrtari i ndaluar në kufirin pika Merdarë nga Ministria e Punës dhe Mirëqenies Sociale (MPMS). Ai është nga Obiliqi, dhe për festa ishte Vizituar nga Kryeministri Ramush Haradinaj. Këtë duket se autoritetet serbe e kanë regjistruar dhe se e kanë ndalur me qëllim për ta marrur në pyetje, që t’i frikësojnë edhe rsatet e tjera që tregohen mikpritës ndaj shqiptarëve, ka thënë Haradinaj.

Në një postim në faqen e tij, Kryeministri Haradinaj, ka reaguar ashpër në mbrojtje të zyrtarit serb që punon në Qeverinë e Kosovës, trasnmeton gazetametro.net

Reagimi i Plotë:

Ndalimi i Nebojsa Jakovljevic nga autoritetet e Serbisë në Mërdarë, është veprimi i radhës i papranueshëm dhe i dënueshëm.

Jakovljevic është këshilltar në Ministrinë e Punës dhe Mirëqenies Sociale, pjesë e partisë SLS dhe vëllai i nënkryetarit të Komunës së Obiliqit, familjen e të cilit e kam vizituar gjatë muajit dhjetor.

Qeveria e Kosovës dënon ashpër këtë formë të presionit dhe kërcënimit nga ana e Serbisë për qytetarët e komunitetit serb të Kosovës.

Ky veprim, nuk është i vetmi dhe as i izoluar, por është pjesë e një fushate të orkestruar të pushtetit serb, për ta kërcënuar drejtpërdrejt sigurinë e vendit tonë.
Kosova është e përkushtuar për dialog, që mundëson arritjen e një Marrëveshjeje përfundimtare me shtetin fqinj dhe secili akt që pengon këtë frymë është i papranueshëm.

Apeloj tek zyrtarët e BE-së si dhe tek Bashkësia Ndërkombëtare, që të reflektojë për t’i bërë presion Beogradit të ndalojë menjëherë veprimet e tilla të njëpasnjëshme kundër qytetarëve të Kosovës, të cilat tregojnë qartë rrugën që ka zgjedhur Serbia kundër lëvizjes së lirë, frymës europiane të bashkëpunimit si dhe vlerave të përbashkëta.