Tjetër largim i rëndësishëm nga FC Llapi

Ndryshimet në stafin teknik te FC Llapi pritet të prekin edhe ekipin U-19 të Juniorëve, pasi që kryetrajneri i kësaj skuadre Megzon Visoka ka ofruar dorëheqjen e tij, transmeton Gazetasheshi.com.

Lajmin për largimin nga “Zahir Pajaziti” e ka konfirmuar vetë Visoka përmes një publikimi në llogarinë e tij, derisa ka falenderuar gjithë bashkëpunëtorët e tij në klubin llapjan.

“Te nderuar shoke, familjare dhe ju kolege, me ane te ketij postimi dua te ju njoftoje qe sot me marreveshje te dyanshme perfunduam bashkepunimin me KF Llapi.

Falenderoje te gjithe per bashkepunimin korrekt qe patem gjate ketyre 6 muajve, duke filluar nga bashkepuntori im i ngushte Blerim Bunjakufutbollistet dhe te gjithe kryesine e klubit e ne veqanti drejtorin Tahir Batatina per mbeshtetjen e parezerve qe kishte ndaj meje.

Po largohem me koken larte dhe shume krenar per punen e bere fale te ciles edhe rezultatet ishin shume te mira”, ka shkruar Visoka.

Llapi e ka mbyllur vjeshtën në pozitën e gjashtë me 28 pikë, aq sa ka edhe kampioni në fuqi SC Gjilani.