ZYRTARE: Sulmuesi i njohur ndahet me Llapin

Një tjetër ndarje ka trokitur te Llapi. Sulmuesi i njohur kosovar Alban Rexhepi ka ndërprerë marrëveshjen me ekipin nga “Zahir Pajaziti”, duke qenë kështu tashmë një lojtarë i ri, raporton Gazetasheshi.com.

Lajmin e ka konfirmuar vetë futbollisti Rexhepi, i cili në një prononcim për Gazetasheshi.com ka thënë se dy palët tashmë kanë vendosur të ndërpresin bashkëpunimin.

“E kemi përfunduar bashkëpunimin në mënyrë të dy anshme. Falenderoj drejtuesit e klubit dhe stafin teknik për besimin. Gjatë ditëve në vazhdim do të vendosi për skuadrën e re në të cilën do të vazhdoj karrierën, pasi që ofertat nuk më kanë munguar edhe gjatë kohës sa isha pjesë e Llapit dhe para se të isha pjesë e Llapit”, deklaroi Rexhepi.

23 vjeçari nga Gjilani në të kaluarën ka qenë pjesë e shumë skuadrave në vend si Ferizaj, Vllaznia e Pozheranit, Drita dhe Gjilani. Ndërkohë që karrierë ka bërë edhe te skuadra e Laçit në Shqipëri.