Bie fluksi në kufirin Kosovë-Serbi

Pritjet e gjata maratonike në kufirin mes Kosovës dhe Serbisë duket se kanë ulur itensitetin e tyre, kështu të paktën po tregon Qendra Kombëtare për Menaxhim Kufitar, transmeton Gazeta Metro.

Përkundër se gjatë ditës së djeshme mërgimtarëve dhe të gjithë atyre që dilnin nga Kosova përmes kufirit me Serbinë, ju duheshin nga 30 minuta deri në 2 orë pritje në temperatura të ftohta, sot ka ndryshuar gjithçka. Pritjet për të hyrë në Kosovë janë 3-5 minuta ndërkaq 10 deri në 30 minuta për të dalë nga Kosova.

Sipas Qendrës Kombëtare për Menaxhim Kufitar, pritjet për të dalë nga Merdarja në pikën kufitare Serbinë është deri në 30 minuta, ndërkaq tek Dheu i Bardhë deri në 20 minuta, transmeton Gazeta Metro.

Mërgimtarë të shumtë ia mësynë Kosovës në fund të muajit dhjetor për të festuar festat e fundvitit në vendlindjen e tyre, por ata janë shprehur të pakënaqur me pritjet e gjata që po ndodhin tash e sa vite në pikat kufitare Kosovë-Serbi.

Kujtojmë se tani që moti është mjaft i ftohtë këto ditë dhe se kësisoj të gjithë mërgimtarët e kanë edhe më të vështirë pritjen në këto pika kufitare në dalje të Kosovës.