Thaçi: Taksa hiqet kur premtohet arritja e një marrëveshje paqësore nga Serbia

Presidenti i Kosovës, Hashim Thaçi, është deklaruar rreth intervistës për “Washington Post” në lidhje me taksën e vendosur nga Qeveria e Kosovës ndaj produkteve serbe dhe dialogut po ashtu me shtetin e Serbisë, transmeton Gazeta Metro.

Thaçi ka thënë Qeveria është gati ta heq taksën ndaj produkteve serbe nëse Kosovës i jepet një rrugë e qartë drejt arrijtes së një marrëveshje paqësore me Serbinë.

Po ashtu presidenti i Kosovës ka thënë se ai ka kërkuar që SHBA’ja të marrë rol udhëheqës në marrëveshjen paqësore dhe finale mes dy vendeve.

Postimi i plotë i tij:

Kosova është gati të shqyrtojë heqjen e taksës për produktet serbe nëse Kosovës i jepet një rrugë e qartë drejt arritjes së një marrëveshjeje finale paqësore me Serbinë, i kam thënë gazetës “The Washington Post”, duke kërkuar që SHBA-ja të marrë rol udhëheqës në koordinimin e inputit ndërkombëtar për Marrëveshjen Paqësore finale që do të sjellë njohjen e Kosovës nga Serbia. Ndërgjegjja jonë na kërkon – dhe është detyrë e jona historike – që të bëjmë paqen të mundshme dhe të vërtetë.