Marrja e Zotit: Djali e bën babain për spital

Edhe një rast tjetër i lajmëruar për dhunë ndaj prindërve. Këtë herë një person në Fushë Kosovë është arrestuar, pasi që dyshohet se e ka rrahur babanë e tij, transmeton Gazeta Metro.

Siç bën të ditur Policia e Kosovës, ngjarja ka ndodhur gjatë ditës së djeshme.

Me këtë rast, viktima ka marrë tretman mjekësor, ndërsa i dyshuari me urdhër të prokurorit është dërguar në mbajtje.

Kujtojmë se dhuna ndaj prindërve, kohëve të fundit ka shënuar rritje në vendin tonë.

Vetëm një ditë më parë është raportuar për një rast në Vushtrri, ku dy persona të dehur e kanë rrahur nënën e tyre.

Pas lajmërimit të rastit, nëna dhe motra tetë vjeçe e të dyshuarve, janë dërguar në strehimore.

Ndërsa këta të fundit janë liruar dhe rasti shkon në procedurë të rregullt.