Djuric’in e ‘çmend’ heqja e kufirit mes Kosovës dhe Shqipërisë

Nisja e zbatimit të marrëveshjes për menaxhin të integruar të kufirit Kosovë-Shqipëri, që nënkupton heqjen e dy pikave të kontrollit, ka acaruar zyrtarin serb Marko Djuric.

Kryetari i ashtuquajturës Zyrë për Kosovën në Qeverinë e Serbisë e ka quajtur këtë veprim si treguar të ‘natyrës së vërtetë dhe të lartë të regjimit në Prishtinë’, shkruan gazetametro.net.

Sipas Djuric, këta hapa janë ilegal dhe ka shtuar se heqja e paralajmëruar e kufirit përbën shkelje të detyrimeve ndërkombëtare dhe si e tillë, sipas tij, do të ketë pasoja.

“Hapa të tillë janë ndërmarrë plotësisht ilegalisht dhe heqja e paralajmëruar e kufirit për muajin mars do të përbënte një shkelje të rëndë të detyrimeve ndërkombëtare të Prishtinës me pasoja potencialisht të papritura”, ka thënë Djuric.

Sidoqoftë, ishte kryeministri Haradinaj që dje konfirmoi nënshkrimin e marrëveshjes që mundëson heqjen e kufirit në mes të dy shteteve shqiptare.

Ndryshe, nënshkrimi i marrëveshjes ka bërë të nisin punët për krijimin e vetëm një pike kontrolli. Puna do të vazhdojë deri në mars, ku pritet të kompletohet bashkimi i kufirit./gazetametro