Kongresmeni Demokrat Engel i shkruan letër Sekretarit të Trump’it për Kosovën

Kongresmeni Amerikan, një ndër përkrahësit më të mëdhenj të Shtetit dhe Pavarësisë së Kosovës, Eliot Engel, i është drejtuar me një letër Sekretarit Amerikan të Shteteteve të Bashkuara, Mike Pompeo, në lidhje me Kosovën. Ai kërkon drejtësi për viktimat e luftës, por nuk përmend ndonjë vërejtje rreth marrëveshjes përfundimtare të ksoovës me Serbinë, qoftë edhe duke i korrigjuar, apo definuar kufijtë, trasnmeton gazetametro.net  

Në letrën e tij, Engel kërkon që drejtësinë për viktimat në Kosovë ta shndërrojë në angazhim kyç, duke shtuar se anëtarësimi i Serbisë në BE nuk duhet të ecë përpara deri sa kriminelët e luftës të mbahen përgjegjës, shkruan gazetametro.net

“Mijëra civilë janë vrarë, dhjetëra mijëra janë përdhunuar dhe qindra mijëra janë dëbuar me forcë nga trupat serbe. Megjithëse faktet janë gjerësisht të ditura, pothuajse askush nuk është vënë para drejtësisë në Serbi për këto krime të luftës, ndonëse, në shumë raste, dëshmitë flasin se urdhrat janë dhënë drejtpërdrejt nga kreu shtetëror. Kjo është thellësisht shqetësuese” shkroi kongresmeni Engel.

Në letrën dërguar sekretarit Pompeo, ai vlerëson vendimin e 18 dhjetorit me të cilin administrata i ka ndaluar hyrjen në Shtetet e Bashkuara të Amerikës, ish gjeneralit të policisë serbe, Goran Radosavlevic, i njohur si Guri, për shkak të përfshirjes së tij në vrasjen e tre shqiptaro amerikanëve në vitin 1999.

Radosavlevic, shkruan në letër zoti Engel, “ishte për një kohë të gjatë i dyshuari kryesor për vrasjen e tre shtetasve amerikanë, vëllezërve Bytyçi dhe krime të tjera të luftës. Ky vendim i rëndësishëm që u mor gati 20 vjet pas përfundimit të luftës, është një pikë kthese për fushatën e familjes Bytyçi për drejtësi dhe një hap i parë shpresëdhënës për t’u siguruar se Serbia mbahet përgjegjëse për krime lufte dhe krime kundër njerëzimit të kryera gjatë konfliktit”.

Duke theksuar se vëllezërit Bytyçi u vranë brutalisht në vitin 1999 derisa po shoqëronin një familje të komunitetit rom nga Kosova për në Serbi, kongresmeni Engel shkruan se “mjerisht vrasja e tyre nuk ishte lemeria e vetme e regjimit të (Slobodan) Milloshevicit kundër qytetarëve të Kosovës. Mijëra civilë janë vrarë, dhjetëra mijëra janë përdhunuar dhe qindra mijëra janë dëbuar me forcë nga trupat serbe. Megjithëse faktet janë gjerësisht të ditura, pothuajse askush nuk është vënë para drejtësisë në Serbi për këto krime të luftës, ndonëse, në shumë raste, dëshmitë flasin se urdhrat janë dhënë drejtpërdrejt nga kreu shtetëror. Kjo është thellësisht shqetësuese” shkroi kongresmeni Engel, ka raportuar VoA. /gazetametro.net